Lisân-ı ehl-i dilde aşka gülzâr-ı belâ dirler
Cevânın kâmet-i bâlâsına nahl-i cefâ dirler

Yakîn olmaz güzeller âşık-ı mehcûr u şeydâya
El öpmek ârzû etsen ırakdan merhabâ dirler

Harâbâtı egerçi görmedik ammâ görenlerden
İşitdik bir neşât-efzâ makâm-ı dilküşâ dirler

Niyâz eyle cefâdan vaz gelsün cân-ı mahzûna
Seni ey dil gam-ı cânâne ile âşinâ dirler

Halâs olmaya gibi aşk elinden bir zaman Yahyâ
Yine bîçâreyi bir dilrübâya mübtelâ dirler




يغنيم! بو پايلاشيمينين كايناغينى تاريهى ايله بيرليكته اچيكلاسايدين، داها انلاملى وه كوزل اولوردو..!